نتايج التسويق على السوشيال ميديا بتظهر بعد قد ايه وازاي نقيسها؟
هنبيع أمتى؟ وننتشر محتوى عامل ازاي، وفين؟
ده أكيد أول سؤال بتسأله لشركة التسويق لو أنت صاحب بيزنس.
أو بتسأله من العميل لما تبدأ تدير له لها حساباته لو أنت مسوق؟
وطبعاً الإجابة على السؤال صعبة جداً لأنها مرتبطة بعوامل
كتير زي خوارزميات كل منصة، وجودة المحتوى الي بتشاركه مع عملاءك، وكمان الصناعة الي شغال فيها، يعني أنت لو دكتور ولا مدرس، مش زي بتاع التسويق والبرمجة ولا البيزنس.
طيب برضه فين إجابة السؤال لو أنا شغال في التسويق أو عندي بيزنس أو أنا دكتور أو مدرس أعرف إزاي إني ماشي صح والحسابات بتكبر بالمعدل الطبيعي؟
خلينا نقسم إجابة السؤال ده لجزئين الأول المعدل الطبيعي لنمو الحسابات على كل منصة حسب الخوارزميات بتاعتها، ومعدل النمو الطبيعي لكل صناعة الي لو بتزيدها كل شهر يبقى أنت في السليم.
ونبدأ بـ instagram المعدل النمو للزيادة عليه بيكون من 1% لـ 3 عليه وممكن يوصل لـ 8% لو بتنشر بشكل مستمر وبستخدم استراتيجية هاشتاج مناسبة، مع التركيز على ريلز في شكل سلاسل مش منفصلة، وتبقى عارف إن إنستغرام دلوقتي بقى فيه حاجة شبهه جوجل كدا في استخدام KeyWords ده بيخلي المحتوى يظهر لناس أكتر وبيسهل على الخوارزميات ترشح محتواك لناس مش من متابعينك.
تاني حاجة Facebook يعتبر من أقل المنصات الي ممكن تكبر عليها بشكل أورجانيك لو أنت صفحة بيزنس معدل النمو الطبيعي عليه من 0.5 لـ 1.5 وممكن تزيد للضعف لو عارف تعمل content mix مظبوط مناسب للصناعة بتاعتك، وعكس السائد بين كل الـ Creators من إن الريلز بتنتشر أكتر على Facebook عن تجربة الفديو الطويل بقى بينتشر أكتر على فيس بوك من ساعة ما بقى عليه إعلانات زي اليوتيوب، والأهم من كل ده هو المحتوى الكتابي الطويل يعني مقالات بتغطي موضوع معين بس ده لها شروط معينة علشان تجيب معك نتيجة كويسة هتبهرك#.
تالت حاجة LinkedIn لو أنت بتقدم خدمات وشغال في الـ B2B ومش شغال عليه فأنت فايتك كتير يكفي لأنه حتى لو مش هيجي لك منه شغل فهو بيزود الـ Credibility بتاعتك وبيخلي حجمك أكبر في السوق ومعدل النمو الطبيعي عليه لو أنت بتشارك محتوى عليه بشكل مناسب بيكون من 2% لـ 3% ولو ملتزم بالنشر ممكن توصل لنسبة نمو 8%.
رابع حاجة هو الـ TikTok ده أكتر منصة أنت ممكن تكبر عليها وتنتشر وهو أعلى منصة في نسب النمو من 5% لـ 10 لكن مشكلته إنه في الغالب ما بيكنش قناة بيع على قد ما هو بيكون أول مرحلة في funnel البيع الي بتصب بعد كدا على منصات تانية وأتعامل مع تيك توك إنك بتنزل استوريز لصحابك محترم خفيف من غير تعديل مبالغ فيه.
طبعًا الأرقام دي ممكن تضرب معك وتلاقي نفسك بتزيد في شهور ١٠٠٪ لكن ده بيكون توفيق من ربنا مش أكتر.
لكن ده ما يمنعش إنك لو Creator شاطر وعارف بتعمل ايه وعامل content mix مظبوط ممكن الأرقام دي تضرب في 2.
للأسف البوست طول ومش هنقدر نتكلم عن نمو كل مجال بشكل منفصل.
وأنتو بقى بتردوا على السؤال ده ازاي