هل فيديو واحد ممكن يحقق مبيعات من 5 أرقام بالدولار لمدربة؟
عملنا كامبين فيها أكتر من ٥ فيديوهات وغير الصور، ولكن معظم النتايج كانت جاية من فيديو واحد.
وده ياخدنا لـ نقطة مهمة جدًا إنه ما ينفعش بأي حال من الأحوال ما تكونش متابع أول بأول لتحليل أداء كل الكرييتفز الي بتشغلها بكل أجزاءه
يعني ايه بكل أجزاءها طيب؟ يعني تبقى عارف إن نفس الفيديو لو غيرت شكل المونتاج الي فيه بس ممكن يغير النتائج ١٨٠ درجة.
لو غيرت الهوك الي هما أول ٣ ثواني، لو غيرت الـCTA لو غيرت الموديل الي بيقول الاسكربت، بل لو خليت نفس الشخص يقول الكلام بطريقة مختلفة، كل دي عناصر مهمة في نجاح الفيديو ك كرييتف.
نرجع للكامبين دي، زي ما قلت لكم كنا عاملين ٥ فيديوهات، ده الي كان محقق معظم المبيعات، وبعده فيديوهين تاني وكرييتف صور والعامل المشترك بينهم كلهم إنه كلمة ابنك أو طفلك موجودة في أول ٣ ثواني في الفيديو.
طيب كـ كوبي رايتنج ايه الي نجح الفيديوهات الي نجحت؟
فاكرين التمرين الي قلت لك اعمله وأضمن لك بنسبة 100% لو عملته إعلانك هينجح؟
الي هما، بيع كأنك في مكتب، لازم العميل يتخيل الي بتقوله في دماغه، وإن الرسالة تكون منكوبة بأكتر طريقة بسيطة ومباشرة.
الفيديو ده بيطبق بشكل عملي وواضح طيب ازاي؟
أول جزء في فيديو بيوصف للأم مشكلة طفلها وبيخليها تشوف ابنها بيواجهه نتيجة تقصيرها لو ما خدتش خطوة لوحده وهو في الفصل بشكل واضح من غير فزلكة.
تاني حاجة تخيل لو في أم حد قاعد بيقولها الكلام الي في الفيديو ده فيس تو فيس وبيبع لها خدمة أي كان سعرها هل هتتردد؟
آخر حاجة هي البساطة، ووضح الرسالة التسويقية والتركيز علي الألم. ٧ سنين بكتب وببيع وكل مرة بتأكد مافيش أفضل من السهل الممتنع في الكتابة، جمل قصيرة، مختصرة، واضحة، فيها مشاعر وحركة.
الكوبي رايتج والمحتوى له ٣ عناصر أساسية فهم مشاعر الناس ودوافع الشراء عندهم، الصياغة القوية والواضحة والسهلة، فهم البيزنس والماركتنج بشكل واضح وتوظيف الحاجات الي فوق دي لها.
لو عايز تشوف الفيديو قولي نبعته له لك خاص.
بالمناسبة لو شايف الكلام ده صعب ومش عارف ازاي تطبقه فاحنا هنشرح جزء كبير منه في ورشة Ads Funnels & Creative Strategy.